Се бетонира дното на езерцето

Градот Скопје, во рамките на активностите за уредување и за чистење на Градскиот парк, почна со санација на езерцето во првиот дел од паркот. Предвидено е прво да се исчистат коритата на каналите и на дното на езерото, по што ќе изврши бетонирање на околу 3.000 квадратни метри. Со бетонирањето на дното ќе се спречи еродирање на земјиштето што предизвикува излевање на водите од езерцето. Од буџетот на Град Скопје се издвоени 3,8 милиони денари, а рокот за изведба е 30 дена. По завршувањето на овие активности Градот ќе побара од Зоолошката градина да го збогати езерцето со соодветен животински свет. (Мр.Т.)