„Сава табак“ ќе продава осигурување во „Together“

Осигурителните полиси на „Сава табак“ отсега ќе бидат ��остапни седум дена во неделата, нон-стоп, преку продажната мрежа „Together“.

Тоа е резултат од партнерството меѓу „Сава табак осигурување“ и друштвото за застапување во осигурување „МК осигурување“. Во продажната мрежа „Together“ ќе можат да се најдат осигурителни полиси на „Сава табак“ за автомобилско осигурување, осигурување на имот и осигурување од одговорност, патничко осигурување и зелен картон.

„Сава табак осигурување“ на овој начин им овозможува на сите свои сегашни и идни корисници брз и едноставен пристап до осигурителните полиси. Особено сега, пред почетокот на летните одмори кога граѓаните ќе имаат потреба од ваков вид осигурителни полиси на брз и едноставен начин“, велат во компанијата. (Мк.фондови)