Скарлет Јохансон

Почнаа брачните проблеми?

Скарлет Јохансон и Рајан Рејнолдс, најверојатно, се најспомнуваниот пар во изминатата недела низ медиумите. Тој е најсекси маж на светот, според изборот на списанието „Пипл“, а таа е „парче“ на годината, според изборот на „Џи кју“. Дали тоа има врска со ласкавите титули што двајцата ги добија оваа година, или не, но некој од кругот на нивните пријатели на медиумите им изјавил дека нивниот брак е разнишан. Имено, обајцата се толку зафатени и претрупани со обврски така што распоредот ги држи на дистанца.

Рејнолдс, исто така, не се појави во ТВ- емисијата „Сатрдеј најт лајв“, што минатиот викенд ја водеше Скарлет, што многумина го препознаа како прв знак на дупки во брачната заедница.

Но, без оглед на гласиштата, парот од бајките нема никакви коментари. Рејнолдс, наводно, во петокот одлетал во Њујорк да го прослави 26. роденден вчера, на 22 ноември, а нејзиниот на 23 октомври го прославиле во ресторан заедно со роднините на Скарлет.