Реновирана народната кујна во „Света Петка“
Народната кујна во црквата „Света Петка“ во Кисела Вода од вчера продолжи со работа во реновирани простории. Тие во изминатиов период беа целосно санирани, се обновија и инсталациите за вода и струја, а кујната е подновена и со нов кујнски прибор и друга потребна опрема. Реновирањето на народната кујна, која секојдневно обезбедува оброци за десетици најсиромашни, е финансирано од средствата собрани од Божикниот пазар што го организираше германската амбасада.
|