Костовски донираше 5.000 евра за ПП-бригадата

Зградата на Противпожарната бригада во Автокоманда од неодамна е под целосен видеонадзор. Десетте камери, вредни 300.000 денари, се лична донација на градоначалникот Трифун Костовски. „Тоа и мрежното поврзување на сите противпожарни станици во градот заради побрза комуникација се првите инвестиции во оваа служба по подолго време“, информираше командантот Благоја Менковски.

Пожарникарите до крајот на годината очекуваат средства и од Градот Скопје за набавка на најсовремена противпожарна облека и чизми, а се надеваат и на подмладување на кадарот со 35 нови пожарникари на возраст до 30 години.