Измените во здравственото осигурување стимул за наталитетот?
Стимулирање на демографскиот прираст во подрачјата кај кои, според податоците на Државниот завод за статистика, фертилитетот е под 2,1 живородено дете по жена, е целта на измените на Законот за здравствено осигурување, кој беше усвоен од Собранието.
Со измените во тие подрачја се предвидува обезбедување право на посебен паричен надоместок на осигурените лица кои не можат да остварат право на паричен надоместок за време на отсуство од работа поради бременост, раѓање и мајчинство, поради невработеност во смисла на стимулирање на фертилитетот кај жените. Со нив се заменува и досегашната најниска основа за пресметување на придонесот за здравствено осигурување од 65 отсто со 50 отсто од просечната нето-плата по работник во Македонија објавена за тековниот месец. (МИА) |
