Македонска поезија вечерва на Канео

Пред црквата „Св. Јован Богослов“ на ��анео, во Охрид, вечерва и утревечер, во 23 часот, македонска поезија ќе говори актерот Љупчо Тодоровски-Упа, во придружба на Зоран Маџиров на вибрафон и шишефон и кавалџијата Мите Серафимоски.

Двете вечери ќе бидат и последни сезонава, во која на последниот настап на актерот му гостуваше и меѓународно познатиот пејачки квартет ПЕЛА од Словенија и музичарот Љубен Димкароски.

„Мојата намера е ова говорење на поезија да стане традиционално и долговечно и барем уште петмина-шестмина други уметници да си изберат свое место и ден за настап, да си најдат своја публика, а нашата гордост - Охрид и посебно неговиот стар дел, Варош, да го претворат во живо, уметничко место..., вели Љупчо Тодоровски-Упа. (К.Б.)