ДИК одби приговори поради немање доказ
ДИК ги одби приговорите од Нова демократија, Партијата на Турците од Македонија и од група избирачи што се однесуваа на неделните локални избори. Најмногу од приговорите беа без докази.
Најголема дискусија меѓу членовите на ДИК предизвика еден од приговорите на Нова демократија, што се однесува на гласање за друг и ставање потписи за други лица кои биле во странство во извадоците од Избирачкиот список во изборните места 2029, 2030 и 2031 во Општина Теарце.
Членовите на ДИК го одбија предлогот на нивната колешка Тања Алтанџиева да се направи увид во записниците од гласањето и во извадокот од Избирачкиот список со образложение дека до Комисијата нема доставено докази за наводите од приговорот. (МИА) | 
