Јанкулоска делеше флаери на Табановце

Да внимаваат како возат, што е дозволено, а што забрането, ако згрешат - како да ја платите казната, основни информации за Македонија, број од амбасадата на земјата од која доаѓаат - се дел од белешките во флаерите што ќе ги добиваат странските државјани при влез во нашата земја. Кампањата на МВР и на Агенцијата за поддршка и развој на туризмот од вчера стартуваше на сите гранични премини во земјава. Околу 200.000 примероци напишани на македонски, српски, грчки, бугарски, албански, германски, англиски и на турски јазик ќе им бидат добре дојде на странците.

Министерката за внатрешни работи, Гордана Јанкулоска, која ја промовираше кампањата на преминот Табановце, каде што годишно минуваат околу три милиони патници, информираше дека во првата половина од годинава на 720 македонски државјани не им бил дозволен излез од земјата во рамките на засилената борба против нашинците што бараат азил во Европа. (Г.А.)