БРУС ВИЛИС
Втор брак на акциониот херој
Актерот Брус Вилис, кој со години ја гледа својата поранешна сопруга Деми Мур како ужива во брачните води со помладиот Ештон Качер, одлучил да го преземе истиот чекор. Па, реши својата сакана девојка Ема Хенинг да ја одведе пред олтар. Венчавката се случила во неговиот дом на карипските острови Туркс и Каикос.
Во близина на неговиот дом биле најмени многу вили каде што биле сместени сите поканети гости. На венчавката биле присутни и Деми Мур и Ештон Качер, како и ќерките што ги има Вилис од бракот со Мур - Рамер, Скаут и Талула.
Познато е дека по нивниот развод особено важно им било децата да растат во здрава атмосфера, па затоа одлучиле да останат во пријателски односи, независно од нивните животи со партнерите. Притоа, познато е дека повремено Вилис и Мур го поминуваат времето заедно со цел подобро да функционира нивниот однос со децата.
Брус Вилис (54) и 32-годишната манекенка Ема биле заедно само осум месеци пред да ја донесат одлуката да се венчаат, а прв пат почнале да кружат приказните за нив откако биле случајно видени во продавница на „Картие“ на Беверли Хилс каде што разгледувале свршенички прстени. |
