Пациент и' удрил два бокса на лекарката

Пациент и' удрил два бокса на лекарката затоа што не бил задоволен како го лекувала. Инцидентот, според полицијата, се случил завчера околу 13,50 часот на булеварот „Крсте Мисирков“ во амбуланта на Бит-пазар.

Расправијата започнала во ординација за интервенции, каде што 60-годишен скопјанец ја нападнал 50-годишната лекарка, удирајќи ја два пати со бокс во пределот на двата образа, нанесувајќи и' повреди.

„До физичкиот напад дошло поради тоа што скопјанецот не бил задоволен од услугата што му ��ила дадена во понеделникот. ПС Бит-пазар презема мерки за расчистување на настанот“, информираат од МВР. (Х.Р.)