Појадок за 2.000 скопјани на Камениот мост

По повод верскиот празник Успение на Пресвета Богородица, околу 2.000 скопјани на 19 септември ќе учествуваат на манифестацијата „Појадок на мост“, која првпат годинава ја организира Градот Скопје. Појадокот ќе се случува на Камениот мост од 9 до 11 часот, а сите заинтересирани верници ќе мора да го најават присуството заради лимитираниот број на учесници. Пријавувањето ќе се врши на пункт поставен на мостот, или на телефонот 3297-284.

Штандовите со храна и пијалаци ќе бидат поставени на едната страна од мостот, а маси и столчиња за учесниците од другата страна. Појадокот ќе биде обезбеден од донатори, а засега се пријавиле Скопска пиварница, „Тинекс“, „Жито лукс“, „Жито Вардар“ од Велес, „Пелистерка“, „Витаминка“, „Кожувчанка“ и други фирми.

„Градот Скопје во очи на празникот кога се слави името на Мајката божја, заштитничка на Скопје, сака на овој начин да ги обедини и да ги зближи скопјани. Целта ни е манифестацијата да стане традиционална“, рече градоначалникот Коце Трајановски. (С.Н.)