Лив Тајлер

Старомодна сум - се чувам од лоша репутација

Лив Тајлер открила дека секогаш била внимателна кога се во прашање мажите. Актерката и моделка, позната и по славниот татко Стивен Тајлер од „Аеросмит“, го послушала советот на својата мајка, која поучена од сопственото искуство, и' говорела дека е важно да се внимава на сопствената репутација.

„Неа секогаш ја прогласуваа за групи-девојка, иако таа воопшто не била тоа. Всушност, многу е морална личност, вљубена во музиката. Затоа ме учеше да бидам многу внимателна и да внимавам што правам. Ме советуваше да бидам свесна дека злобните јазици никогаш не мируваат“ - кажала убавата Лив. Таа го послушала советот на мајка си и не давала материјал за озборување. За себе вели дека не е личност склона на забави, туку повеќе сака времето да го минува во мирот на сопствениот дом, а во душата е вистинска романтичарка. „Паѓам на цвеќе и шампанско, а сосема се предавам кога некој ќе ми подготви вечера. Јас сум старомодна девојка. Повеќе сакам да ги трошам парите на уредување на домот отколку на забава - вели Лив.