Вивијан Вествуд

Одбила да креира венчаница за кралската невеста

Познатиот дизајнер на шапки, Филип Трејси, чии креации на своите глави често ги носат Лејди Гага и сара Џесика Паркер, наводно, ќе креира шапки за британската кралска свадба. И додека Кејт Мидлтон си има обезбедено дизјанер за шапки, кралската невеста, наводно, мака мачи со личноста што ќе и' ја креира венчаницата. Според пишувањето на британските медиуми, Кејт сакала венчаницата да и' ја дизајнира Вивијан Вествуд, но контроверзната 69- годишна дизајнерка, наводно, ја одбила зашто „Кејт нема доволно стил“.

„Би сакала еден ден да ја облекувам Кејт Мидлтон, но за тоа ќе мора да почека додека некаде не ’фати‘ малку стил“, порачала Вествуд и додала дека таа „сигурно не е онаа што на Кејт Мидлтон ќе и' ја креира венчаницата за кралската свадба“.