Македонија првпат со претседавачка улога

На 59. Регионалното собрание на Светската здравствена организација за Европскиот регион, што од вчера се одржува во Копенхаген и на кое ќе се избира нов директор, Македонија по 16-годишно членство првпат е избрана за претседавач со Постојаниот комитет, што претставува Управен одбор на оваа организација. Бидејќи се актуелни многу закани по здравјето на луѓето, се очекува нашето претседавање да ги постави во преден план здравствените приоритети на нашиот регион при креирањето на здравствените политика на СЗО за Европа. Дополнително ќе претставува и единствена можност за промоција на Македонија и активностите што ги презема Министерството за здравство. На годинашното Регионално собрание на СЗО за Европа, д-р Владимир Лазаревиќ, како претставник на Македонија во Постојаниот комитет на СЗО, е избран и за заменик-извршен претседател со Регионалното собрание. (Ј.Ј.)