Ексновинари на „Време“ на распит

Новинари, кои порано работеле во дневниот весник „Време“, а кои сега се на работа во други редакции, биле повикани да сведочат во процесот „Пајажина“, кој се води против сопственикот на А1, Велија Рамковски, и управители на приватни фирми од „Перо Наков“. Поканите да се јават денеска пред истражен судија ги добиле вчераутро.

Тие за „Нетпрес“ рекоа дека нема што да кријат и оти се целосно подготвени да одговорат на сите прашања што ќе им ги постават истражните органи.

Инаку, на 11 јануари годинава, новинари од А1 телевизија беа на распит пред истражен судија во Основниот суд Скопје 1 за случајот „Пајажина“. (Нетпрес)