Пратеничката Марку имала сообраќајка
ТЕТОВО - Пратеничката на ДУИ од Дебар, Јулиета Марку (40) на патот Маврови Анови-Дебар имала сообраќајна несреќа во која, за среќа, поминала без повреди.
Несреќата се случила кога пратеничката заедно со нејзиниот сопруг Атли (50) се враќале за Дебар. Кај Бошков мост нивното возило „голф“ со охридски регистарски таблички излетало од коловозот поради новите врнежи од снег. Сопружниците поминале без повреди, а материјалната штета на возилото изнесува околу 100.000 денари.
„Во Собранието во средата останавме некаде до 17 часот. Потоа се упативме за Дебар. Од Жировница натаму возењето беше опасно поради веќе напластениот снег и врнежите што продолжуваа. Патот е без браници, а снегот не беше исчистен. Притоа, возилото се лизна и падна три метри кон надолнина. Застана удирајќи во еден голем камен. Сепак, се' среќно заврши“, ни рече во телефонскиот разговор пратеничката Јулиета Марку. (Г.Е.) |
