СТИВЕН СОДЕРБЕРГ
Регрутирање порноактерка за новиот филм
Режисерот Стивен Содерберг и' ја понудил главната улога во својот нов филм на дваесетгодишната ѕвезда од филмовите „Анални акробации 3“ и „Орална надмоќ“. Саша Греј ја добила главната улога во филмот „Искуство со девојки“, комедија за светот на проституцијата, а се' раскажано од гледиштето на скапа проститутка.
Иако почнала да снима само пред две години, Греј снимила над 120 филмови за возрасни и собрала повеќе награди во категоријата на својот жанр. Пред филмот на Содерберг, снимила уште еден непорнографски филм - нискобуџетен канадски хорор.
А, оскаровецот Содерберг бил воодушевен од младата порноѕвезда.
- Навистина е одлична, многу умна и храбра. Немаше некоја работа што ќе и' ја предложев, а таа да не смислеше начин да ја изведе, изјавил Содерберг. Тоа е филм за некој што чувствува дека има контрола над животот и само за една недела сфаќа дека тоа не е вистина. Тоа е тема која со години ме интересираше, а досега немав прилика да ја истражувам, коментирал режисерот.
|
