Земјите што не се врзани за еврото пребродуваат полесно

Лондон - Источноевропските земји, било да се врзани за еврото или да се подалеку од заедничката европска валута, подобро ја издржуваат кризата во која се наоѓаат 16 членки на еврозоната и сегашната буџетска презадолженост на дел од нив, пишува „Фајненшел тајмс“.

Ситуацијата во Полска и во Чешка, кои не се во еврозоната, но и кои своите национални валути не ги врзале за еврото, многу подобро минуваат во сегашната криза што владее во Европската унија од државите што сакаат да се вклучат во еврозоната, како оние што веќе се во ЕУ, така и оние што само имаат статус на земји-кандидати.

Овие држави имаат големи долгови направени во евра, а нивната економија веќе сега е „прилично евроизирана“.

Според лондонскиот весник, најтипичен пример за тоа е Хрватска, која не е во ЕУ, а веќе ја евроизира државата.

Како друг негативен пример се посочуваат Бугарија и Летонија, кои не се во еврозоната, но се цврсто врзани за еврото затоа што настојуваат што е можно побргу да станат дел од зоната на единствената валута, па сега се наоѓаат во тешка ситуација.

Тоа е уште еден доказ дека фискалната ситуација во економиите на земјите од Источна Европа сега е „поздрава“ отколку во државите што се во еврозоната, но гледано во целина, сепак, земјите што влегоа во ЕУ на 1 мај 2004 година, како и оние што претендираат да бидат дел од Унијата, се' уште силно веруваат во еврото, без разлика на актуелната криза со буџетските долгови, заклучува „Фајненшел тајмс“. (МИА)