Македонија меѓу најрелигиозните држави

Истражувањето на „Галуп“ во 114 земји во 2009 година покажа дека Македонија е меѓу високорелигиозните држави во светот, повеќе од САД, кои важат за многу религиозни, и од повеќето од земјите во соседството. Истражувањето, исто така, покажа дека со исклучок на САД, посиромашните земји се повеќе религиозни и обратно, тие со повисок приход, по правило, се долу на религиозното скалило. Глобална средна вредност на возрасни кои велат дека религијата е важен дел од нивниот секојдневен живот е 84 проценти, што е непроменето од она што „Галуп“ го откри во претходните години. Во десет земји, најмалку 98 проценти се изјаснија дека религијата е важен дел во нивните секојдневни животи.

Соединетите Американски Држави, една од најбогатите земји, се противи на овој тренд. Околу две третини од Американците (65%) велат дека религијата е важна во нивниот секојдневен живот. Меѓу земјите со висок приход, само Италијанците, Грците, жителите на Сингапур и на земјите од Персискиот Залив, богати со нафта, кажуваат оти религијата е важна за нив.

Повеќето земји со висок приход се многу пониско на религиозното скалило. Во десет земји, не повеќе од 34 проценти од жителите велат дека религијата е важен дел во нивниот секојдневен живот. Шест од овие се развиени земји во Европа и во Азија со приход по глава на жител поголем од 25.000 долари.

Во три од четири земји со понизок приход на листата - Естонија, Русија и Белорусија - советските власти го ограничуваа религиозното изразување со децении се' до распадот на СССР во 1991 година. Меѓу последните е Виетнам, каде што власта, исто така, има историја на ограничување на религиозните слободи. (Д.Р.)

Десетте најрелигиозни

да не

1. Бангладеш 99% 0%

2. Нигер 99% 0%

3. Индонезија 99% 0%

4. Јемен 99% 1%

5. Малави 99% 1%

6. Шри Ланка 99% 1%

7. Џибути 98% 2%

8. Бурунди 98% 2%

9. Мавританија 98% 2%

10. Сомалиленд 98% 2%

Десетте најнерелигиозни

да не

Русија 34% 60%

Белорусија 34% 56%

Франција 30% 69%

Виетнам 30% 69%

Обед. Кралство 27% 73%

Хонг Конг 24% 74%

Јапонија 24% 75%

Данска 19% 80%

Шведска 17% 82%

Естонија 17% 78%

Каде е Македонија

да не

42. Косово 90% 8%

65. Турција 82% 15%

70. БиХ 77% 21%

71. Македонија 76% 22%

78. Италија 72% 25%

79. Грција 71% 28%

80. Црна Гора 71% 28%

85. САД 65% 34%

86. Србија 54% 44%

102. Албанија 38% 53%