Си го трошиме времето и остануваме „привремени“
Веб-коментар
Неколку пати во текот на преговорите помеѓу Република Македонија и Република Грција за спорот за името и изнаоѓање заемно прифатливо решение, ни беше укажувано од наш релевантен и стратегиски партнер дека некои од понудените решенија не го загрозуваат нашиот идентитет. Истото го истакнуваше и специјалниот пратеник на генералниот секретар на ООН.
Ние, граѓаните сме упатени на изјавите кои во текот на преговорите ги даваат и двете страни, но веруваме и сакаме да веруваме и на важни, но и официјални претставници - посредници во спорот. Доколку ги отфрламе нивните укажувања, тогаш, на некој начин, сакале или не, го делегитимираме и претставникот на меѓународната заедница и севкупниот процес. Дали е тоа в ред покажува времето - ние сме надвор од институциите што ги посакуваме и нашата „привременост“ продолжува.
Дали ќе потрошиме по 20 години за решавање на споровите со секој наш сосед или навистина ќе ги придвижуваме преговорите напред, свртени кон посветла иднина на нашата земја?
|
