Судиите-академци не сакаат да судат во помалите градови
Претседателот на Судскиот совет, Васил Грчев, вчера револтирано оцени дека незаинтересираните кандидати кои ја завршија Академијата за судии се несериозни
Светлана Унковска
Судиите кои ја завршија обуката на Академијата за судии и обвинители не сакаат да работат во судовите во градовите низ Македонија и единствено се заинтересирани да судат во скопските судови. На вчерашниот избор за судии во основните судови во Велес, Гостивар, Куманово и во Тетово, членовите на Судскиот совет имаа лесна работа затоа што конкурираа или во недоволен број или, несфатливо, воопшто немаше пријавено кандидати. На распишаниот оглас за избор на девет судии, Судскиот совет успеа да избере едвај седуммина. Во Основниот суд во Велес каде што беше распишан оглас за двајца судии беше пријавен само еден, а ниту еден не беше заинтересиран да суди во гостиварскиот суд. Пополнети беа само испразнетите судски фотелји во Куманово со четворица нови судии и во Тетово со двајца.
За судија во Основниот суд во Велес вчера беше избрана Тања Милева, нови судии во Основниот суд во Куманово се Бранка Наумовска, Јасмина Јанева-Саневска, Емилија Стојмановска и Мирослав Георгиевски, а за тетовскиот Основен суд Бетим Јахја и Љупчо Спироски.
Претседателот на Судскиот совет, Васил Грчев, вчера револтирано оцени дека незаинтересираните кандидати кои ја завршија Академијата за судии, се несериозни и најави дека во иднина кога ќе конкурираат тие ќе го изгубат приоритетот за вработување.
„Судскиот совет распиша оглас за деветмина судии, но, за жал се јавија само седум кандидати од Академијата, што за мене укажува на нивниот несериозен однос спрема функцијата судија. Очигледно колегите од Академијата имаат селективен пристап при конкурирањето за судии во одредени судови што не беше цел при формирањето на Академијата. Законот не предвидува извршна санкција за нивно непријавување, но само го губи приоритетот на листата утврден од страна на Академијата и Судскиот совет на некоја од седниците ќе заземе став за тоа“, истакна Грчев. Тој додаде и дека некои од кандидатите воопшто не се јавиле и на огласот распишан од Советот на јавни обвинители. Првиот човек на Судскиот совет беше разочаран од кандидатите, затоа што очекувал и во оние, како што ги нарече, проблематични судови да се јават кандидати кои ја поминале обуката на Академијата како кадарни да се справат и со најтешките проблеми.
Од законската обврска годинава да се вработат минимум 15 судии од Академијата, по вчерашниот избор на седуммина и претходно уште шест судии остануваат да бидат примени уште двајца судии. Судскиот совет од почетокот на годинава досега има избрано и 11 судии во основните судови, кои не се од редовите на оние кои ја поминале обуката. Неодамна дел од судските соработници во кумановскиот суд реагираа дека со ваквиот начин на избор се крши Уставот и се врши дискриминација на кандидатите за судии. Грчев ги отфрла ваквите обвинувања.
„На кандидатите кои се од Кумановскиот суд и другите секогаш им стои местото тие да се кандидираат за други огласи кои до крајот на годинава ќе ги распишеме, а досега се избрани 11 судии кои не се од Академијата. Презедовме законска обврска до крајот на годинава да вработиме 15 судии кои ја поминале обуката“, рече Грчев.
За оценувањето на работата, тој рече дека во најголем дел судиите биле задоволни од нивните процени, а само 80 судии, главно, од Скопје и од Штип, изразиле несогласување со негативната оценка. Вчерашната седница на Судскиот совет прв пат беше отворена за јавноста.
Секоја чест што конечно после 9 месеци кандидатите од Академијата го добиваат заслуженото место во судовите! Да се вратиш во клупа на 30-40 години во траење од долги 15 месеци и покрај другото, да изучуваш EU, Хаг и меѓународно право, јазици, компјутери, етика, реторика, комуникации, судска медицина, психијатрија........ сигурно не е воопшто лесно! Затоа треба да им се даде шанса на овие кадри. БРАВО!
Но треба да се има на ум дека не се работи за студенти туку за зрели и семејни луѓе кои досега работеле на обезбедување на својата иднина и иднината на своето семејство во местото каде се родени и живеат и не е воопшто сеедно каде ќе бидат избрани, па зарем треба да се третираат како воени лица во екс-ЈНА? Затоа судскиот совет МОРА да води ДЕМОГРАФСКА ПОЛИТИКА при изборите на овие кадри, а не како што беше случај со обвинителите, луѓе од провинција да се бираат во Скопје, а родени скопјани сега да се грешници што не сакаат остатокот од животот да го минат во провинција
Од: па од мене
Датум: 02.09.2009 08:27:35
ми се гади од "скопјани" на кои за се им е крива "провинцијата". Што е жителството на главниот град ,наследна привилегија?
Од: vladislav
Датум: 02.09.2009 09:55:23
Da, bas taka, zitelstvoto vo glavniot grad e nasledna privilegija, no i griza za gradit, soobrakajna kultura, etichko odnesuvanje, moralni vrednosti, so koi za golema zal ne moze da se pofali provincijata. Provincijava e strasna, horor, ke se vraboti eden na funkcija, posle toa celo selo ke go povlece u Skopje. Abe kaj i da idam sve na dijalekti zborat, uzas.
Од: Ајван Доктор®
Датум: 02.09.2009 12:14:25
Оние на кои им се гади од Скопјани, забораваат дека имаат неизлечива Болна желба да Бидат, Живеат, Работат во Скопје. При тоа, секако, со болната Омраза, не забораваат да го унередат градот.
