Објектите ќе мора да се завршуваат во рокови

Објектите што се градат ќе мора да бидат изградени во законски определен рок, што ќе зависи од категоријата на која и' припаѓа градбата и ќе се движи од десет години за објектите од највисока, прва категорија, до четири години за објектите од четврта и од петта категорија, во кои спаѓаат зградите и куќите. Ова го предвидува најновиот закон за градење, чиј предлог вчера беше на прво читање пред членовите на собраниската Комисија за транспорт и врски. Пратениците од СДСМ потенцираа дека ќе гласаат воздржано, бидејќи, иако го поддржуваат законот, тие не се согласуваат со некои предложени одредби. (Б.А.)