Помалку пари собрани во буџетот, помалку потрошени
Како во мај, така и во јуни во државната каса се слеале помалку пари во споредба со април, но за разлика од мај кога повеќе се трошело, во јуни се намалиле трошоците од буџетот.
Во јуни буџетските приходи изнесувале 173,5 милиони евра, а расходите биле 192,5 милиони евра, дефицитот само во јуни изнесувал 19 милиони евра, што е доста помалку во споредба со мај кога беше постигнат рекорден буџетски дефицит од 50 милиони евра. Вкупниот буџетски дефицит за првите шест месеци од годинава достигна 125 милиони евра.
Во јуни излегува дека државата и помалку прибрала, но и помалку трошела, за разлика од мај во предизборието. Во мај вкупните буџетски расходи изнесуваа 226 милиони евра, а во јуни 192 милиони евра, што е за околу 34 милиони евра ��омалку. На страната на приходите вообичаено најголемиот прилив доаѓа од даноците или над 99 милиони евра, а прв на листата е данокот на додадена вредност кој во јуни инкасирал 54 милиони евра. (С.М.)
Буџетски дефицит/суфицит во 2011 година/во милиони евра
јануари -10,8
февруари -28,3
март -21,3
април 5,2
мај -49,5
јуни -19 |
