Бројки
13 денари
Производителите на пченица не ја прифаќаат моменталната откупна цена од 13 денари за килограм, која, според нив, е прениска и не им ги покрива трошоците.
70.283 евра
На вчершното тргување на Македонската берза беше остварен промет од 70.239 евра, а главниот берзански индекс заврши во плус со минимални 0,38 отсто
3,1 процент
ЕБОР во својот најнов извештај ги ревидираше проекциите за растот на македонскиот БДП за годинава од 2,5 на 3,1 процент. Јулските проекции на банката покажуваат дека македонската економија ќе има нагорен тренд за 0,6 проценти повеќе во споредба со проекциите објавените во мај.
191 фирма
УЈП во текот на јули изрекла казни за 191 фирма, кои се движат од 200 евра за неиздавање фискални сметки, 4.000 евра за оние што вторпат направиле ист прекршок, до забрана за вршење дејност од 30 дена.
150 евра
Албанската влада донесе одлука за зголемување на износот на минималната плата во земјата за 5,2 отсто. Со оваа одлука, која мора да ја почитува секое физичко и правно лице, домашно ли странско, минималната плата на целата територија на Албанија ќе изнесува 20.000 леки, или околу 150 евра.
460 нови авиони
Американската компанија „Американ ерлајнс“ ја изврши најголемата нарачка на авиони во историјата на цивилната авијација, со што ќе ја обнови својата флота со 460 нови авиони, од кои 260 „Ербас А320“ и 200 „Боинг 737“. Нарачката вреди околу 23 милијарди долари
67 години
Шпанскиот парламент дал конечно одобрение за владиниот предлог околу зголемување на старосната граница за заминување во пензија од 65 на 67 години.
61 отсто
Дури 61 отсто од вработените во Хрватска се плашат за работното место и прогнозираат дека кризата ќе трае уште најмалку две години. |
