Промоција на нов спот за „French Cheese“ на „Беј д’Фиш“

Новиот спот на „Беј д’Фиш“ за третиот сингл „French Cheese“ од актуелниот албум „TIme to Make Things Right“ ќе биде промовиран во понеделник на 3 мај во кафе-барот „Кино Карпош“ со почеток во 19,30 часот. Коктел-промоцијата се совпаѓа со светската премиера на спотот, која оди ексклузивно истиот ден на регионалниот музички канал MTV.

Главната и единствена улога во спотот ја има македонската актерка Кристина Леловац, која носи креација од последната колекција пролет/лето 2010 на македонскиот дизајнер Јован Петровски и модни додатоци на Горан Иан. Директор на фотографија е Кристијан Војдановски, режисер е Васил Ѓуроски, а за шминката се погрижи Марија Ленчевска. Монтажата ја работеше Доријан Миловановиќ, додека за постпродукцијата одговорен беше Дамјан Митревски.

Ова е трето видео на бендот од албумот „Time to Make Things Right“ по „Livin’ in a Box“ на Горан Костовски – Индог и „True Story“ на Георги М. Унковски, кое помина цели девет недели на официјалната топ листа на музичкиот канал MTV, од кои три недели беше на врвот. Во втората половина, пак, на месец мај ќе биде емитуван и акустичниот настап на „Беј д’Фиш“, кој екслузувно го снимија за потребите на емисијата „МТВ Експрес“.

Промоцијата на спотот „Frech Cheese“ ќе биде надополнета со ди-џеј сет на „Беј д’Фиш“.