Индустријата падна за 11,9 отсто

Во септември годинава во однос на истиот месец лани индустриското производство е намалено за 11,9 проценти, објави вчера Државниот завод за статистика. Производството во индустријата, пак, во септември во однос на август годинава е зголемено за 1,6 проценти.

Гледано по сектори, индустриското производство во секторот вадење руди и камен во септември годинава во однос на просечното производство во 2005 година година, која се зема како репер за компарација, бележи пораст од 27,9 проценти, во Преработувачката индустрија пораст за 10,2 проценти, а опаѓање за 24,7 отсто во секторот снабдување со електрична енергија, гас и вода.

Според главните индустриски групи, производството во минатиот месец во однос на просечното производство во 2005 година бележи пораст кај интермедијарни производи, освен енергија за 13 проценти, трајни производи за широка потрошувачка за 14,8 проценти и кај нетрајните производи за широка потрошувачка за 23,2 проценти. (МИА)