Заштедите побрзо растат од кредитите

Депозитите во Охридска банка, како дел од групацијата Сосиете женерал, во првите три квартали од годинава пораснале за 26,6 проценти, а кредитирањето за 20,4 отсто. Сепак, од банката велат дека растот на кредитирањето ќе продолжи со забрзано темпо.

„Охридска банка планира да го зголемиме кредитирањето за 350 проценти. Изворите на финансирање остануваат традиционално депозитната база, но не изостанува и поддршка од базата од Сосиете женерал, а ги нудиме и кредитните линии од ЕБРД и ЕИБ“, изјави вчера Јитка Пантучкова, претседателка на Управниот одбор на Охридска банка.

Поконкретно во делот на населението, растот на кредитирањето е за 6 отсто, а на штедните влогови за 12 проценти. Додека кај компаниите кредитниот раст е 30 проценти, а депозитите се зголемиле за дури 43 отсто. Во исто време пораснале и ненаплатените побарувања. „Во нашето портфолио нефункционалните кредити изнесуваат 5,5 отсто и се во нагорен тренд“, вели Пантучкова. (С.М.)