„Искачи го Кораб и биди Македонец“ е мотото под кое Планинарското спортско друштво „Кораб“ организира традиционално искачување на планинскиот врв Голем Кораб по повод 8 Септември - Денот на независноста. Заинтересираните ќе треба да платат 400 денари за организираниот превоз и да се пријават во Домот на АРМ, на пунктот што ќе биде отворен до 6 септември во периодот помеѓу 18 и 21 часот. Се поаѓа на 7 септември во 5 часот од пред новата Железничка станица.
Една од најголемите планинарски акции годинава се реализира по седумнаесетти пат, а во неа учествувале 25 илјади планинари од повеќе од 30 земји. Од „Кораб“ годинава очекуваат околу 1.500 планинари и љубители на природата. Патеката по која ќе се одвива планинарската тура ќе биде обезбедена со три контролни и превентивно спасителни пункта и со водичи на ПСД „Кораб“. (Сн.К.)
