Атина - Бриселската средба на македонскиот и грчкиот премиер може да биде катализатор за разврска на прашањето за името, но не пред самитот на НАТО овој месец.
Грчката страна се надева дека минатонеделната средба меѓу Јоргос Папандреу и Никола Груевски може да биде добра основа да се види промена на позициите на македонската Влада што ќе овозможи поскоро решавање на спорот за името. Од грчкото МНР додаваат дека средбата се одвивала во добра атмосфера поттикната од политичката желба на грчката страна да се види побрз развој на настаните.
Сепак, маратонската средба меѓу двајцата премиери минатата недела во Брисел не завршила со конкретен договор за нова средба пред самитот на Алијансата закажан за 19 и 20 ноември во Лисабон.
Грчката страна ја негира можноста за експресно решение за името пред ноемврискиот самит. „Врз основа на пораките што ги примивме, досега мислам дека не може да очекуваме толку брз развој на настаните. Меѓутоа, мора да напоменам, имаме волја и дека штом Владата во Скопје се одлучи оти е подготвена за напредок, тогаш многу брзо може да се дојде до решение“, истакна портпаролот на грчкото МНР, Григорис Делавекурас.
За перспективите на Македонија и останатите држави од Западен Балкан за влез во ЕУ ќе бидат дел од темите што ќе ги разгледува грчкиот министер за надворешни работи при неговите средби за време на официјалната посета на Германија во почетокот на следната недела. (М.П.)
Vo politikata nema pravdina,osobeno koga se raboti za megjunarodni odnosi.Tuka nema prijatelstvo,tuku samo stratesko partnerstvo (=Interes).Jas ne mislam deka treba da se najde kompromis po sekoja cena,nego namesto kako vladata da se zali kolku "nepravedni bile EU i NATO sprema MK",treba glasno preku jaka i aktivna Diplomatija da se bori za svoite argumenti.No,namesto toa,za Milososki se slusa ednas mesecno i toa samo vo pridruzba na Gruevski kako negov "adjutant" bez svoja kreativnost vo negov resor.Dosta veke se obvinuvaat EU i NATO koga vo MK ne postoj ni podgotvenost da se resat sporovi vo mesnite zaednici bez posredstvo na megjunarodnite "olesnuvaci".Vladata ne samo sto ne e nepodgotvena,tuku odozgore i nesposobna da go resi ednas ovoj spor so GR,koj trazi kreativnost od dvete strani.Problemot e tolku bizaren,sto EU i NATO ne smeat i ne mozat da se mesat,bidejki vo sekoj slucaj ke bidat obvineti za pristrasnost od ednata ili drugata strana.Zasega GR e vo golema prednost.Pozdrav.
