Се' уште нема цена за користење на панорамскиот лифт
Фондацијата „Милениумски крст“ се' уште не ја одреди цената за користење на лифтот на крстот, а нема ниту одлучено како да се наплаќа панорамското разгледување.
Се размислува во почетокот да се користат парагон блокчиња заради оправдување пред УЈП. Одговорните се во дилема дали фирмата која работеше на монтажата треба да го одржува лифтот и да ги собира парите од наплатата. Кочница во се' е што Фондацијата нема пари, бидејќи од влезниците не ќе може да се обезбедат 80 илјади денари месечно, колку што се потребни за плати и придонеси за четворицата вработени на смени.
Одговорните се во дилема и каков превоз да се обезбеди за посетителите на крстот. На завчерашната средба на Управниот одбор на Фондацијата било разговарано дали во викендите да бидат ангажирани автобуси на ЈСП „Скопје“. Бидејќи било заклучено дека автобусите ќе ја загадуваат околината, во Фондацијата размислуваат да се побараат приватни превозници со комбиња кои имаат електрични мотори. (Сн.К.)
|
