Зелено светло за албанските споменици

Советот на Општина Центар ја одобри изградбата на три албански споменици, што беше иницијатива на ДУИ. Одобрено е речиси рамо до рамо со коњаникот на Гоце Делчев да се исправи споменикот на Неџат Аголи, во паркот „Жена-борец“ да се постави споменик на Пјетер Богдани, а споменик на публицистот Јосиф Багери да се наоѓа пред новата зграда на стариот театар. За спомениците гласаа советниците од коалицијата наспроти СДСМ, кои не ги спореа личностите, туку дополнителните средства што би требало да се издвојат за изградбата. „Не сме против изградба на споменици, но не сега, во оваа економска ситуација. Апсурдно е да се трошат пари за несуштински работи“, рече ��лагородна Крстевска-Мојсоска во името на своите колеги. Таа истакна дека е недозволиво токму сега милионски суми да се трошат за таква намена, информирајќи дека, досега се склучени договори во вредност од 32 милиона евра за само 20 споменици.

Инаку, освен за албанските споменици, со кои практично „Скопје 2014“ добива мултиетнички димензии, советниците на Центар одобрија и изградба на споменици на Питу Гули и на Димитар Поп Георгиев Беровски. (Дс.Т.)