Хор од Франција и театарска претстава на „Скопско лето“
Женскиот хор од Долна Нормандија, Франција, „Еве ги девојките“, вечерва во рамките на „Скопско лето“ ќе одржи концерт на Факултетот за ликовна уметност - Сули ан во 20,30 часот. Хорот го сочинуваат 15 девојки, а е формиран во 2005 година. Идејата за формирање на ваков состав се родила од желбата на неколку девојки да пеат �� капела и полифониска музика. Репертоарот на песните е разновиден, почнувајќи од француски песни, џез, етно музика.
Во Македонскиот народен театар во 20,30 часот, вечерва ќе биде изведена претставата „Ромео и Џулиета“ на Шекспир, во режија на Лилија Абаџиева од Бугарија. Улогите ги толкуваат: Игор Стојчевски, Сашко Коцев, Оливер Митковски, Дениз Абдула... Режисерката за оваа нејзина поставка во Македонија, ќе изјави: „’Ромео и Јулија‘ е драма која констатира дека љубовта е смрт.“
|
