Долгот достигна 413,5 милијарди евра

Надворешниот долг на Грција за една година пораснал за 12 отсто, достигнувајќи 413,5 милијарди евра, соопшти Грчката централна банка, пренесуваат агенциите. За една година надворешниот долг на земјата е зголемен за 44,3 милијарди евра. Во првите три месеци од оваа година државниот долг пораснал за 17,3 отсто, а во приватните институции овој процент е 2,9 отсто. Во овој период зголемувањето на надворешните задолжувања на грчките банки било 0,8 отсто. (МИА)