Гадафи претера

Брисел - Европската комисија е со став оти либиското барање за пет милијарди евра за спречување илегални имигранти од Африка во ЕУ е „исклучително многу“. Таква сума спомена либискиот лидер Моамер Гадафи за време на посетата на Италија.

„Постои простор за проширување на соработката со Либија меѓу кои и справувањето со нелегалната имиграција“ изјав�� портпарол на ЕК.

Тој додаде дека Комисијата не добила официјално либиско барање.

Во моментот продолжуваат преговорите меѓу Брисел и Триполи за склучување билатерален договор за соработка. Либија одамна настојува од ЕУ да добие повеќе пари и технички средства за контрола на копнените и морските гра��ици. (МИА)