Војската уби 45 милитанти и нивни роднини во Пакистан

ПЕШАВАР - Во воздушните напади на пакистанските владини сили беа убиени околу 45 милитанти, нивни роднини и други цивили, кои немаа никакви врски со борците, изјавија вчера официјални лица. Трите напади што беа извршени во вторникот вечерта за своја цел имаа пакистански талибански милитанти во едно од нивните упоришта во долината Тирах, во северозападниот регион Кибер на границата со Авгани��тан. „Имаме информации дека од 40 до 45 терористи се убиени“, изјави официјален претставник на безбедносните служби за Ројтерс. Талибанските бунтовници честопати ги негираат официјалните бројки на загинати милитанти.

Пакистанските сили во последниве неколку месеци ги засилија воздушните напади во Кибер и соседните пауштински племенски територии, против активистите кои минатата година побегнаа од воените офанзиви во талибанските упоришта во Сват и во Јужен Вазиристан, кој граничи со Авганистан. Воздушните напади би можело да ги поткопаат напорите за придобивање на цивилите за борба против талибанците. (Ројтерс)