Бунтовниците во Сомалија бараат претседателот да си оди

МОГАДИШУ - Сомалиска бунтовничка група побара од лидерот на државата на Рогот од Африка да се откаже од власта и посочи дека тврдокорните исламисти ќе имаат успех онаму каде што власта потфрли, воспоставувајќи ред во областите што тие ги контролираат. Хисбул Ислам, која води тригодишна борба против кревката привремена влада, покрај групата Шабааб, која има врски со Ал Каеда, упати апел до муслиманите во Сомалија да се обединат и вклучат во светата војна. „Претседателот шеик Шариф Ахмет треба да замине. Тој нема ништо за народот освен барање за повеќе странски сили што ги масакрираат Сомалијците“, изјави шеик Хасан Дахир Авејс, лидер на Хизбул Ислам пред новинарите во вторникот вечерт��.

Тврдокорните исламисти контролираат поголем дел од главниот град Могадишу, опколувајќи ја власта на само неколку блока обезбедувана од мировници на Африканската унија, како и големи делови од јужниот и централен дел на Сомалија. (Ројтерс)