Цонга повторно го порази Федерер

Жо Вилфред Цонга повторно го совлада Роже Федерер, овојпат во осминафиналето на АТП турнирот од серијата Мастерс 1000 во Монтреал. Французинот овојпат славеше со 7:6, 4:6, 6:1.

Федерер не успеа да искористи ниту една од трите брејк можности вклучувајќи и една сет топка, а Цонга имаше мирни раце во тај-брејкот и заслужено обезбеди водство во првиот сет. Во вториот рано стигна до брејк и ја сочува предноста, додека во третиот Французинот експресно „избега“ на 5:0 препуштајќи му само еден гем на големиот ривал за трет триумф во седумте меѓусебни дуели досега.

Монтреал, Мастерс 1000

Резултати од осминафинале: Ѓоковиќ (1., Србија) - Чилиќ (Хрватска) 7:5, 6:2; Вавринка (14., Швајцарија) - Андерсон (Ј. Африка) 6:4, 4:6, 6:4; Бердих (7., Чешка) - Карловиќ (Хрватска) 6:3, 7:6; Типсаревиќ (Србија) - Додиг (Хрватска) 6:1, 6:4; Монфис (5., Франција) - Троицки (Србија) 3:6, 7:6, 7:6; Фиш (САД) - Гулбис (Летонија) 4:6, 6:3, 6:4; Алмагро (8.,Шпанија) - Гаске (10.,Франција) 7:6, 6:3; Цонга (13., Франција) - Федерер (3., Швајцарија) 7:6, 4:6, 6:1.