Милошоски само ќе го поздрави Ламбринидис

Македонскиот шеф на дипломатијата ќе има простор само да го поздрави новиот грчки министер за надворешни работи, Ставрос Ламбринидис, во Луксембург, за време на работниот состанок на министрите на земјите од ЕУ и од Западен Балкан. Иако најавата од МНР за учеството на Милошоски на состанокот во Луксембург наведува дека тој ќе оствари повеќе билатерални средби со свои колеги вчера од Министерството не можеа прецизно да кажат со кого се ќе се сретне шефот на дипломатијата. Тие информираа�� дека евентуални билатерални средби на Милошоски со негови колеги ќе се договараат на самото место, што ќе зависи од нивните агенди. „Состанокот ќе трае два часа, а потоа повеќето од министри си одат“, објаснуваат оттаму.

Oна што можеше да се добие од нашето МНР за можноста за билатерална средба Македонија - Грција во Луксембург е дека Милошоски ќе ја искористи пригодата на состанокот да го поздрави, да му честита и да му посака успешен мандат на новиот грчки колега. За евентуална средба Милошоски - Ламбринидис информациите до МНР кажуваат дека е поверојатно до неа да дојде на состанокот на Процесот на соработка на Југоисточна Европа во Будва на 29 јуни. Македонската страна веќе упатила официјално барање за средба на двајцата министри во Будва и до крајот на неделава се очекува Атина да одговори на него. (Т.Г.)