Шон Пен
Најде замена за Скарлет Јохансон
Само еден месец по раскинувањето на врската со Скарлет Јохансон, холивудскиот актер Шон Пен е виден во романтична прошетка низ улиците на Лос Анџелес со непозната девојка, која ја држел за рака.
Како што пренесуваат американските медиуми, ова не е првпат Шон Пен да е виден во друштво на атрактивна бринета. Двете „гулапчиња“ оделе заедно и да џогираат, а пред две недели, папараците ги сликале во Санта Моника.
Оваа вест сигурно нема да и' годи на холивудската заводничка Скарлет Јохансон, која завчера, конечно, се разведе од сопругот Рајан Рејнолдс. Инаку, врската на Скарлет Јохансон и нејзиниот колега Шон Пен, постар од неа повеќе од две децении, се случи како гром од ведро небо, а јавноста спекулира дека се одиграла по инсистирање на убавата русокоса.
Меѓутоа, по фестивалот во Кан и заедничкото фотографирање на црвениот тепих, страстите, изгледа, брзо згаснале. |
