Ешли Кол
Тештата не смее да живее во новиот дом
Фудбалерот Ешли Кол, прво неколку пати ја изневери својата бивша сопруга Шерил Кол, а сега интензивно работи на смирување. Но, дури ни во таква ситуација не и' попушта во се' на убавата Шерил. Имено, фудбалерот ја обвинува тештата за пропаѓањето на бракот и и' забранил на Шерил нејзината мајка повторно да се всели со нив во вилата. Парот планира да купи нов дом и да добијат деца. Сите планови ќе се остварат доколку Џоан, мајката на пејачката, не го дели домот со парот.
Кога Ешли ја изневери Шерил, мајка и' постојано била со неа и и' помагала да се справи со тешката ситуација. Но, фудбалерот смета дека нивниот брак морало да пропадне зашто Џоан била секаде и додека нивниот брак функционирал добро. „Тој знае дека тоа нема да функционира додека Џоан живее со нив. Шерил мора повторно да му верува на Ешли. Ова е голем тест за нивната врска“- изјавил пријател на парот. |
