|
|
|
|
|
|
|
Намален растот на британската економија
Британската економија во вториот квартал од оваа година забележа раст од само 0,2 отсто, што претставува намалување во споредба со првите три месеци, соопшти Бирото за државна статистика. Во првиот квартал од годинава, економијата имаше раст од 0,5 отсто. Во објаснувањето за намалувањето на растот, во периодот меѓу април и јуни, се посочува продолжениот одмор по повод кралската свадба на принцот Вилијам и Кејт Мидлтон, на крајот од април, како и катастрофалниот земјотрес и цунамито во Јапонија, кои предизвикаа прекин на работата на повеќето автомобилски фабрики во Велика Британија, затоа што останаа без делови за производство на јапонски автомобили. Домашните економски експерти оценуваат дека намалениот раст ќе го зголеми притисокот врз владата на премиерот Дејвид Камерон за менување на основниот економски курс што е воспоставен по последните парламентарни избори во 2010 година, инсистирајќи дека целата економска политика не може да се сведе само на намалување на буџетскиот долг на земјата и на кратење на потрошувачката во јавниот сектор. (МИА) |
#
|
|
|
Статијата е прочитана 287 пати.
|
|
|
|
|
|
|
|
