Годинава ќе има квалитетни пиперки за ајвар
Во Струмичкиот регион, еден од најголемите производители на индустриски пиперки во земјава, годинава од 2.000 хектари се очекува да бидат набрани околу 50 илјади тони од куртовска капија, која се користи претежно за подготвување на ајвар. Според процената на земјоделските стручњаци, летово постојат сите предуслови за натпросечен квалитет и за мошне добра реколта во просек од 2,4 до 2,6 тони по декар.
Производителите тврдат дека родот ќе биде приближно на минатогодишно ниво и дека ќе има доволно суровина за конзервната индустрија, за домашните купувачи и за извоз. „Доколку се' биде в ред, годинава очекуваме добар квалитет и просечни приноси од 2,5 тони од декар, што значи дека ќе има доволно индустриски пиперки за домашниот и за странските па��ари“, велат во земјоделското здружение „Градинар“. (МИА) |
