ФРИДРИХ ШИЛЕР
Телевизиска сметка за мртвиот поет
Фридрих Шилер, еден од најпознатите и најомилени германски поети и драмски писатели, кој е починат веќе двесте години, добил сметка за телевизиската претплата.
Опомената пред исклучување, бидејќи Шилер „подолго“ време не ја платил, стигнала од агенцијата ГЕЗ, која дури се заканила дека ќе преземе правни мерки против уметникот, кој стана познат по својата „Ода на радоста“, доколку не го намири својот долг.
Бидејќи Шилер почина во 1805 година, сметката денес изнесува неверојатни 40 илјади евра, а опомената била доставена до основното училиште во Вигсдорф - Коблиц, која го носи неговото име.
Агенцијата ГЕЗ изјавила дека ќе го заборави долгот само доколку Шилер потврди дека нема ТВ-приемник.
„Работиме со многу податоци, затоа е сосема нормално доколку се случи ваков пропуст“, изјавил портпаролот на агенцијата и додал дека ќе ги измени податоците во базата на информациите. |
