СКОРСЕЗЕ И ДЕ НИРО
По деветти пат заеднички филм
Режисерот Мартин Скорсезе и актерот Роберт де Ниро повторно ќе работат на заеднички филм по дванаесет години пауза од осумте проекти што ги работеа со здружени сили. Овој пат станува збор за мафијашкиот егзекутор Френк Ширан.
Де Ниро ќе го глуми злобникот Френк Ширан, ветеран од Втората светска војна и возач на камион, кој на својата совест има 25 убиства, вклучувајќи го и она на Џими Хофа, синдикален водач на еден од најголемите американски синдикати, кој се изгубил од лицето на земјата под сомнителни околности.
Адаптацијата на сценариото е според книгата на Чарлс Бренд „Ги слушнав твоите обоени куќи“, кој бил личен пријател со Френк Ширан.
Тандемот Скорсезе - Де Ниро досега осум пати работел на заеднички проект, а секој од големите кинохитови доживеал огромен успех, со што и овој уште во самиот старт се смета за еден од најголемите претенденти за освојувањето на најголемите филмски награди. |
