Профил

Ана Мартиновска

ПРОФЕСИЈА - научник, професор, колумнист, не секогаш според тој редослед

ОБРАЗОВАНИЕ - доктор на филолошки науки

ТАЈНАТА НА УСПЕХОТ - Во мојот случај е пресуден изборот на професијата што ја сакам. Покрај тоа, иако веројатно звучи како клише, вистина е дека нема успех без многу работа, посветеност и истрајност, но и без верба во себе и во соништата.

РАБОТНА ОКОЛИНА - Потентна, креативна, предизвикувачка, а истовремено спокојна, скромна, пријателска, речиси семејна, што прави и по 14 години да одам кон моето работно место во Институтот за македонска литература.

РАБОТНИ ПРЕДИЗВИЦИ - За мене, секоја следна средба со студентите, секој нареден текст, колумна и книга се предизвик сам по себе и на секој му пристапувам со еднаква страст и ентузијазам.

ШТО ТЕ РАДУВА - Можноста да го искористам секој нов ден и емоциите што ги носи, да живеам со полни бели дробови, опкружена со моите драги луѓе, со доволно време за уживање во големи книги и мали ритуали.