Селин Дион

Дивата ги покажа своите близнаци

Најпознатата канадска пејачка Селин Дион се сликаше со синовите-близнаци за магазинот „Хело“ шест месеци по породувањето и со читателите ја сподели радоста од подновата во семејството. Селин Дион неодамна ги доби близнаците Еди и Нелсон по долготрајната борба повторно да остане бремена, преку вештачко оплодување. Пејачката изјавила дека раѓањето на момчињата е вистинско „чудо“ во нејзиниот живот и дека на почетокот сите ги мешале бебињата, иако не се идентични близнаци.

Во почетокот ги нарекувавме бебето А и бебето Б, додека не им смисливме имиња. Нелсон го доби името по Нелсон Мандела, а Еди по мојот текстописец, Еди Марнај“, раскажала пејачката.

Селин Дион (42) признала дека останала бремена по шест третмани за вештачко оплодување, како и дека носела тројка, но едното бебе го изгубила уште во почетокот на бременоста.