Ја претепал сопругата со која се разведувал
Скопјанецот М.П. (42) ја претепал и се обидел со нож да ја расече сопругата, со која бил во фаза на разведување, соопшти МВР.
Инцидентот се случил завчера околу 14 часот во кафеаната „Боте 96“ во населбата Бутел, каде што работела сопругата. М.П. влетал со кујната, ја нападнал сопругата, ја удирал по лицето и телото, а потоа зел кујнски нож. Во тој момент, двајца келнери се обиделе да го смират насилникот, при што му го одзеле ножот. Но, М.П. нападнал една од вработените жени, удирајќи ја по главата, а потоа побегнал. По неколку часа, полицијата го пронашла М.П. и против него е поднесена кривична пријава за насилство. (Г.А.) |
