|
|
|
На Стража пукал со гасен пиштол
Гостивар – Дваесет и едногодишниот Р.И. од кумановското село Липково завчера напладне околу 12,40 часот пукал со гасен пиштол додека со своето возило поминувал на месноста Стража, на магистралниот пат Гостивар – Кичево. За среќа, не е причинета материјална штета, туку само биле вознемирена патниците што одморале на терасите на неколкуте угостителски објекти на овој локалитет, а кои се полни со туристи во овие месеци.
Настанот во г��стиварската полиција го пријавил случаен минувач, по што сторителот бил запрен за многу кратко време и веднаш приведен во полициската станица во Гостивар. Лицето било идентификувано и притоа било констатирано дека Р.И. пукал со гасен пиштол марка „бруни 85“ со калибар 9 мм од своето возило БМВ со кумановски регистарски таблици. По целосно расчистување на случајот, тој ќе се соочи со соодветна пријава. (К.К.) |
#
|
|
|
Статијата е прочитана 1110 пати.
|
|
|
|
|
|
|
|
