Осумнаесет месеци затвор за измамник
ТЕТОВО – Основниот суд во Тетово му изрече казна затвор од 18 месеци на Јусуф Аземи (45) од Тетово за кривично дело измама. Според судот, Аземи успеал да ја измами тетовката С.П., претставувајќи се како претприемач дека ќе и' обезбеди стан на атрактивна локација во Скопје за што и' зел 56.000 евра. Во договорениот рок ниту бил обезбеден ветениот стан, ниту и' биле вратени парите. Со пресудата Аземи е задолжен да го врати износот што и' го зел на измамената тетовка. Во судот во Тетово се водат и други случаи за исто кривично дело спрема измамникот, но тој не се јавува на судење. (Г.Е.) |
